Kosova
Brenda tre muajve, rreth 2 mijë kosovarë hoqën dorë nga shtetësia
U bë e ditur se shumë kosovarë kërkuan të heqin dorë nga shtetësia e Kosovës, ani pse disa nga kërkesat u pranuan dhe disa jo.
Vetëm brenda periudhës tremujore, korrik-shtator, 1 mijë e 726 vendime u nxorën në Divizionin e Shtetësisë për lirim nga shtetësia në Kosovë.
Nga këto vendime të marra, 1 mijë e 705 ishin pozitive, kurse 21 të tjera negative, edhe pse në numër të përgjithshëm ishin bërë 1 mijë 906 kërkesa.
Shteti gjerman është vendi me numrin më të madh nga ku qytetarët kërkuan të lirohen nga shtetësia kosovare.
1 mijë e 686 kërkesa u bën nga Gjermania për t’u liruar nga shtetësia e Kosovës, duke vazhduar me 162 nga Austria, 17 nga Sllovenia, 12 nga Kroacia, shtatë nga Norvegjia dhe 22 nga vende të tjera, raporton Indeksonline.
Po ashtu, gjatë të njëjtës periudhe kohore në Divizionin e Shtetësisë janë marrë edhe 150 vendime për fitim të shtetësisë së Kosovës.
68 prej këtyre vendimeve ishin pozitive, 82 negative teksa numri i përgjithshëm i kërkesave ishte 133.
Katër kombësitë nga të cilat u kërkua më së shumti për të përfituar shtetësinë e Kosovës janë këto: Shqiptare 133, turke 42, serbe pesë, boshnjak katër dhe të tjera 74. Gjithsej vendime pozitive u morën për tetë shqiptarë, një serb dhe 59 të tjerë, përcjell albinfo.ch.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe