Britania, flotë automjetesh dhuratë për burgjet shqiptare

Shqipëri – Raportohet se një flotë automjetesh moderne për burgjet shqiptare u dhuruan këtë të premte nga qeveria angleze, përcjell albinfo.ch.

Thuhet se 15 makina elektrike dhe 22 furgonë, me një vlerë prej 1.5 milion stërlinash iu dorëzuan Drejtorisë së Burgjeve. Mjetet do të përdoren për lëvzjen e punonjësve të burgjeve dhe transportin e të burgosurve

Ambasadori britanik, Alastair King-Smith, që mori pjesë në ceremoni, u shpreh se Britania e Madhe po mbështet Shqipërinë në reformimin dhe modernizimin e sistemit të burgjeve, shkruan topchanel.

“Bashkëpunimi përfshin shkëmbimin e stafeve. Tani, Shqipëria është partneri ynë më i mirë ndërkombëtar”, tha ai.

Me këto mjete pritet të transportohet dhe “çunat e Londrës”, të cilët pas marrëveshjes me Britaninë, do ta bëjnë burgun në Shqipëri.