Britanikët duan rikthimin e statujës

Një delegacion nga Easter Island do të mbërrijë në Londër javën tjetër për të kërkuar kthimin nga Muzeu Britanik të një prej statujave emblematike të polinezianëve të parë. Statuja e gjatë më shumë se dy metra, ishte mes 900 statujave të gdhendura nga banorët e ishujve mes vitit 1100 dhe 1600 pas Krishtit.

 Statuja është marrë nga ishulli, që ndodhet 2480 kilometra në perëndim të kryeqytetit kilian Santiago, më 1868, nga kapiteni Richard Powell, dhe iu prezantuar Mbretëreshës Viktoria që ia kaloi në Muzeun Britanik. Statuja është një nga shumë artefakte të eksploruesve britanikë dhe personaliteteve nga e gjithë bota që shfaqen në Muzeun Britanik. Por, një numër i këtyre thesareve janë bërë temë e debatit intensiv dhe kërkesave për kthimin e tyre nga vendet e tyre të origjinës. 

 Delegacioni do të ofrojë për të shkëmbyer këtë statujë për një tjetër të gdhendur nga guri nga skulptori bashkëkohor Bene Tuki. Felipe Ward, ministër i trashëgimisë në Kili, i cili do të shoqërojë delegacionin në Londër, tha se ai kishte shpresë, sepse ata janë të gatshëm ta diskutojnë atë, shkruan Albinfo.ch

 Një zëdhënës i Muzeut Britanik ka thënë se gjithmonë është  i gatshëm të merrte parasysh heqjen e objekteve nga koleksioni i saj “sipas kushteve të zakonshme”.