“Çeço Fest”, me muzikë e DJ në muret e gurta të Gjirokastrës

"Çeço Fest” një ngjarje muzikore rinore"

Në kalanë e Gjirokastrës është mbajtur “Çeço Fest”, një ngjarje muzikore rinore që mblodhi shumë të rinj nën ritme të muzikës elektronike drejtuar nga DJ të njohur.

Emri i festivalit është një memorje për heroin shqiptar të përpjekjeve kundër otomanëve Çerçiz Topulli, lindur dhe rritur në Gjirokastër.

Organizatorët besojnë se festa që do të vazhdojë për dy net do të ketë një impakt të madh në promovimin e monumentit dhe qytetit përgjatë sezonit veror, raporton TopChannel, përcjell albinfo.ch.

10 artistë të muzikës elektronike janë pjesë e eventit që do të mbajë zgjuar ritmin edhe natën e së shtunës.

 

 

Pjesë e festës pritet të bëhen në vijim ekspozita të kostumeve popullore, kulinari, shfaqje filmash me në qendër figurën e Çerçiz Topullit, ndërsa imazhi i tij është bërë tashmë shumë popullor në bluza, kapele e çanta. Ngjarja që është mbështetur edhe nga Ministria e Kulturës pritet të mbledhë të shtunë rreth 1000 vizitorë në kalanë e Gjirokastrës.

---