Çfarë lejohet dhe çfarë jo, në festimin e Vitit të Ri në Zvicër

Edhe në këto kushte, ka mënyra të përshtatshme për të përfunduar disi vitin e çuditshëm 2020 dhe për të pritur ngrohtësisht një vit 2021 më të mirë

Sikur pothuaj gjithçka tjetër, edhe Nata e Vitit të Ri është e ndryshme në vitin e koronës. Mund të festohet por vetëm duke respektuar disa rregulla

Një gjë është e qartë: këtë natë të Vitit të Ri nuk do të ketë festime të mëdha, masive.

Sidoqoftë, ka mënyra të përshtatshme për të përfunduar disi vitin e çuditshëm 2020 dhe për të pritur ngrohtësisht një vit 2021 më të mirë, shkruan 20minuten. Patrick Mathys nga Zyra Federale e Shëndetit Publik na tregon rregullat e sjelljes për prag të Vitit të Ri.

Puthje – po apo jo?

“Është e mundur të cakërrosh gotat. Por mos u puth”, këshillon Mathys, shefi i sektorit të menaxhimit të krizave dhe bashkëpunimit ndërkombëtar në BAG.

Fishekzjarre – po apo jo?

Nëse doni të ndizni raketa ose fishekzjarre të tjera privatisht, mund ta bëni këtë në shumicën e vendeve në Zvicër, transmeton albinfo.ch. Vetëm kantoni i Valis – ngjashëm sikur Gjermania dhe Austria – ka ndaluar fishekzjarret private.

Fishekzjarret e mëdha nga qytetet dhe komunat gjithashtu janë anuluar të gjitha këtë vit. Por nga ana akustike, nuk do të kaloni keq as në këtë fund të vitit: koncertet tradicionale të këmbanave të kishave lokale do të bien në vitin e ri pas mesnatës si zakonisht.

---