Kosova

Ngjarje tragjike në Majac të Podujevës: Një burrë i vdekur, dy gra të plagosura

E diel, 22 Mars 2026 - 21:02 albinfo.ch

Një incident i rëndë ka ndodhur mbrëmjen e sotme në fshatin Majac të Podujevës në Kosovë. Sipas burimeve të Gazetës Insajderi, një burrë ka humbur jetën, ndërsa dy gra kanë mbetur të plagosura brenda një shtëpie.

Policia dyshon se një grua është e përfshirë në këtë rast. Ajo është izoluar dhe kërcënon të bëjë veprime që mund të rrezikojnë jetën e saj.

Kryeprokurori i Prokurorisë Themelore në Prishtinë, Zejnullah Gashi, konfirmoi se një person ka ndërruar jetë. Në vendngjarje ka shkuar prokurorja Bukurie Gjonbalaj për të hetuar rastin.