Çfarë nëse përçahen CDU e Merkel dhe CSU e Seehofer?

Kriza mes shefit të CSU Seehofer dhe kancelares Merkel vetëm se është shtyrë për disa ditë, por nuk është zgjidhur. Çfarë do pasonte nëse çarja mbetet e pandreqshme? Nga zgjedhjet e reja deri te ndryshimi i shefave - një analizë nga Der Spiegel, që sjellet ekskluzivisht nga Albinfo.

DPA

Ministri i brendshëm, njëherësh edhe shefi i CSU, Horst Seehofer, i ka dhënë afat edhe disa ditë kancelares Angela Merkel (CDU), që të kthjellohet rreth kontestit të refugjatëve. Ajo ka afat dyjavë që të gjejë një zgjidhje të përbashkët me partnerët europianë. Në rast të kundër Horst Seehofer do fillojë dëbimin mbrapsht të refugjatëve nga kufiri. Një ultimatum të tillë Merkel nuk e ka pranuar, duke mbetur çështja pa zgjidhje. Së fundi qarkulloi një deklaratë e Seehofer: “Unë nuk mund të punoj më me këtë grua.” Nëse kjo rezulton e vërtetë në zbatim, atëherë çfarë opsione mbesin. Ja tre skenaret!

Koalicioni Kuq/Zi/Gjelbër

Shefja e Të Gjelbërve, Katrin Göring-Eckardt në një intervistë për “taz” deklaroi se “kanë bërë shumë punë, për të qenë të gatshëm të qeverisin”. Kjo mund të zëvendësonte CSU në rikonstruimin e ardhshëm të qeverisë gjermane.

Të Gjelbërit mbështesin politikat humane kundrejt refugjatëve dhe kanë si kusht uljen e emetimit të gazrave të dëmshme CO2.

CSU do fillonte të krijonte një aleancë federale, ndërsa CDU të tentonte të shtrinte ndikimin në Bavari.

Kuq e Zi me një lider të ri

Në rast se Seehofer do vepronte pa urdhrat e Merkelit për të ndaluar refugjatët në kufi – atëherë me gjasë do rrëzoheshin të dy nga pushteti. Kancelarja do shkarkonte ministrin e brendshëm dhe me këtë do shpërbëhej koalicioni.

Seehofer nuk do ishte më shef i CSU, pasi nuk arriti të zbatonte marrëveshjen qeveritare dhe si udhëheqës i ardhshëm i bavarezëve do ishte Markus Söder. Megjithatë kjo do sjellte edhe shkarkimin nga detyra të kancelares Merkel, ku në vend të saj mund të ulej ministri i shëndetësisë, Jens Spahn, i cili ka popullaritet të madh.

Si kandidat tjetër tepër të preferuar jo vetëm nga të djathtët, shihet edhe Volfgang Shauble. Mangësia e tij e vetme është mosha 75 vjeçare.

Zgjedhje të reja ose bashkim

Në rast të shpërbërjes së koalicionit, FDP do kërkonte zgjedhje të reja. Por nga zgjedhjet e reja interes do kishte vetëm AfD. Edhe ndaj CSU nuk do ndihmonte shumë mbështetja bavareze.

Seehofer dhe Merkel do bashkoheshin edhe njëherë. Sipas informacioneve të SPIEGEL, Merkel kërkon të takohet me popullistin e djathtë hungarez Viktor Orbán – pak përpara samitit të BE. Kjo tregon se Merkel po lëviz në drejtim të linjës së ashpër të Seehofer. Kjo do sjellte bashkimin e tyre me ndihmën e partnerëve europianë- veçanërisht Hungarisë, Austrisë dhe Italisë. Seehofer do e paraqiste këtë si fitore ndaj Merkel për t’u imponuar kërkesat e saj shteteve të BE.