Challandes sjell edhe një futbollist nga Zvicra te Kosova

I fundit që pritet t’i bashkohet Kosovës është Mirlind Kryeziu, i cili luan në Zurich

Përzgjedhësi i Kosovës, Bernard Challandes, ende nuk di për humbje nga pesë ndeshje zyrtare me Kosovën.

Trajneri zviceran ka katër fitore dhe një barazim, madje, nuk ka pësuar asnjë gol, shkruan albinfo.ch.

Përveç rezultateve, një numër i madh i futbollistëve po pranojnë të luajnë për Kosovën, duke i bindur që të zgjedhin ‘Dardanëve’ para përfaqësuesve tjera.

I fundit është Mirlind Kryeziu, i cili është pjesë e skuadrës zvicerane, Zurich, raporton “Supersport”.

Ai luan si qendërmbrojtës dhe ka qenë pjesë e grupmoshave të Zvicrës nga U-16 deri tek U-20.

Përveç tij, për dy ndeshjet e ardhshme ka shumë mundësi të grumbullohet edhe portieri i Manchester Cityt, Arijanet Muriq, që nga shtatori ka vendosur të luajë për Kosovën.

---