Chritophe Darbelley: Mbrëmë isha në Festën e Flamurit të shqiptarëve

Shumica dërmuese e komunitetit shqiptar në Zvicër është e punësuar dhe merr pjesë në të ardhmen e Zvicrës

Dje, pas shpalljes së rezultateve përfundimtare të referendumit mbi iniciativën, Televizioni zviceran romand transmetoi një debat në prani të përfaqësuesve të partive më të mëdha zvicerane.

Në mesin e reagimeve të nxehta, presidentit i të Gjelbërve, Ueli Leuenberger, tha se këto rezultate nuk do të ndihmojnë popullsinë zvicerane për të zgjidhur problemin themelor të migrimit. Ai theksoi se kjo dëshmon që kemi të bëjmë me mungesë të njohjes së realitetit të jetës së migrantëve në Zvicër. “Disa zviceranë mendojnë se problemi i të huajve që i pengonin në daljen në diskoteka do të rregullohet“ ka thënë U. Leuenberger.

Presidenti i Partisë Demokratike Krishtere (PDC), Christophe Darbellay ndërhyri, duke shprehur pakënaqësinë e tij ndaj vërejtjes së Ueli Leuenbergut. Ai pohoi se e njeh shumë mirë këtë realitet. Si shembull përmendi pjesëmarrjen e tij në Festën e Flamurit të shqiptarëve: “mbrëmë kam marrë pjesë në Festën e Flamurit të shqiptarëve në Zvicër, gjatë se cilës pata kënaqësinë të bisedoja me këtë komunitet.”

Ch. Darbelley theksoi se edhe komuniteti shqiptar është i vetëdijshëm për problemin që kanë me një pakicë problematike të njerëzve të tyre. Presidenti insistoi se “shumica dërmuese e komunitetit shqiptar në Zvicër është e punësuar dhe merr pjesë në të ardhmen e Zvicrës”. Për këtë, theksoi ai, “jam thellësisht mirënjohës ndaj tyre“.

Shiko debatin në fjalë: