Çifti i rrëmbyer zviceran në duar të talibanëve

Talibanët duan që çiftin ta këmbejnë me një studiuese pakistaneze, Aafia Siddiqui, që mbahet në burg nga amerikanët

Çifti zviceran, i rrëmbyer rreth një muaj më parë në Pakistan gjendet në duar të talibanëve pakistanezë.

Siç ka njoftuar mediet e Pakistanit Waliur Rrahman, një komandant i lartë i tyre, talibanët duan që çiftin ta këmbejnë me një studiuese pakistaneze, Aafia Siddiqui, që mbahet në burg nga amerikanët. Nëse Siddiqui nuk lirohet nga burgu, një gjykatë talibane do të vendosë për fatin e dy zviceranëve.

Eprori taliban po ashtu ka thënë se ndaj çiftit nuk është ushtruar dhunë.

Dy turistët zviceranë janë rrëmbyer më 1 korrik në verilindje të provincës Baluchistan. pak ditë më vonë një komandant i talibanëve kishte konfirmuar se ata ishin në duar të tyre dhe se ishin dërguar në regjionin Waziristan. Ndërkaq, organizata që udhëheq taliubanët e Pakistanit nuk ka dalë ende me ndonjë konfirmim zyrtar për rrëmbimin.