Cilat shtete financojnë tregun e armëve të Rusisë dhe SHBA-së?

SHBA është eksportuesja më e madhe e armëve në rang global.

Në 10 vjetët e fundit ajo ka eksportuar 35% të armëve drejt 130 shteteve të ndryshme.

Vitet e fundit, tregu më i madh amerikan për sa i përket shitjes së armëve ishte Arabia Saudite.

Gjatë dekadës së fundit, Arabia Saudite ka blerë 24% të armëve amerikane.

Blerësit e armëve të SHBA-së	Kontinenti
Arabia Saudite	Azi
Australia	Oqeani
Korea e Jugut	Azi
Emiratet e Bashkuara Arabe	Azi
Japonia	Azi
India	Azi
Mbretëria e Bashkuar	Europë
Katar	Azi
Tajvan	Azi
Turqi	Azi

 

Rusia është eksportuesja i dytë më e madhe e armëve në gjithë botën, duke qenë e përgjegjshme për 22% të të gjithë eksporteve në vitin 2021.

India vazhdojnë të jetë importuesi më i madh i armëve ruse.

Uria e ushtrisë indiane për armatimet ruse vjen si pasojë e luftës së heshtur mes saj dhe Kinës.

 

Blerësit e armëve nga Rusia	Kontinenti
India	Azia
Kina	Azia
Algjeri	Afrika
Vietnam	Azia
Egjipt	Afrika
Irak	Azia
Azerbajxhan	Azia
Kazakistani	Azia
Venezuela	Amerika
Siria	Azia

 

Prej kohësh, Rusia ka financuar dhe stërvitur rebelët pro-rusë në Ukrainë. Që nga aneksimi i Krimesë në vitin 2014, Rusia ka dërguar armë të të gjitha llojeve, nga pistoletat, tek automatikët, minat, tanket dhe raketa hedhësit drejt këtij rajoni.

Efektet e luftës në Ukrainë mbi tregtinë e armëve

Sipas të dhënave të fundit nga SIPRI, tregtia globale e armëve kishte rënë me 4.6% gjatë 5 viteve të fundit, por pas luftës, shumë shpejt Europa u kthye në një importues të rëndësishëm duke i rritur blerjet me 19%.

Shtete si Mbretëria e Bashkuar, Holanda dhe Norvegjia ishin ndër importuesit më të mëdhenj në këtë periudhë.

Të alarmuara nga pushtimi i Ukrainës, shtetet evropiane kanë shtuar buxhetin e tyre të mbrojtjes dhe një shembull konkret është Gjermania, e cila shpenzoi shifrën marramendëse prej 100 miliardë eurosh për të forcuar dhe përditësuar ushtrinë e saj./Euronews

---