Cilat shtete shpenzojnë më shumë në ushtri?

SHBA, Kina dhe Arabia Saudite janë në krye të listës së shteteve që shpenzojnë më shumë para për ushtrinë.

Shtetet e Bashkuara të Amerikës kryesojnë listën e shteteve që kanë investuar më shumë për ushtrinë, me 610 miliardë dollarë, shpenzime ushtarake, gjatë vitit 2017 ose 35 përqind e shpenzimve të përgjithshme botërore ose kjo shumë është thuajse e barabartë me shpenzimet ushtarake të 9 shteteve të tjera, që plotësojnë dhjetëshen e parë të shteteve më “dorëlëshuara”, ndaj përforcimit të ushtrisë.

Instituti suedez i kërkimeve Sipri ka thënë se shpenzimet në 2017 janë më të larta që nga fundi i Luftës së Ftohtë me $1.739 trilionë.

Kina është vendi i dytë me shpenzime të përgjithshme prej $228 miliardë, në vendin e tretë Arabia Saudite ka zëvendësuar Rusinë me $69.4 miliardë.

Shpenzimet ruse janë zvogëluar me 20 përqind këtë vit në $66.3 miliardë dollarë. Kjo është ulja e parë prej 1998.

India ka zëvendësuar Francën në vendin e pestë me $64 miliardë, ndërsa nga vendi i gjashtë deri te vendi i dhjetë lista është si vijon: Franca ($57.8), Britania e Madhe ($47.2), Japonia ($45.4bn), Gjermania ($44.3bn) dhe Korea e Jugut ($39.2bn).

Sa i takon vendeve që shpenzojnë më tepër në bazë të përqindjes, në Top 10 vendosen shtatë shtetet e Lindjes së Mesme. Omani (12 përqind të PBB), Arabia Saudite (10 përqind), Kuvajti (5.8), Jordania (4.8), Izraeli (4.7), Libani (4.5) dhe Bahreini (4.1).