Çka votohet sot në Basel e Gjenevë?

pixabay

Në qytetin e Baselit votuesit do të vendosin mbi uljen e taksave, që do të lehtësojë punën për të gjithë taksapaguesit.

Kjo është interesante, sepse në vend që të kërkohen më shumë taksa, udhëheqësia e kantoneve thotë që banorëve duhet t’u rimbursohen 88 milionë frang të taksave që kanë paguar.

Aresyeja është se arkat e qytetit nuk janë të mbushura, por të stërmbushura.

“Kemi pasur vite të jashtëzakonshme dhe qeveria dëshiron t’u kthejë paratë qytetarëve”, ka thënë drejtori i Financave në Basel, shkruan thelocal.ch, përcjell albinfo.ch.

Në dekadën e fundit Baseli ka pasur tepricë më shumë se 300 milionë frang. 88 milionët e taksapaguesve do të ndihmonte të gjithë banorët e kantonit, pa marrë parasysh të ardhurat. Sa u përket taksave për familjet, ulja e të ardhurave dhe taksat e të pasurve do të implementohen.

Për shembull, në të ardhmen, familjet që jetojnë në Basel do t’u lejohet të zbresin 8,600 frang në taksat për fëmijët, 700 frang më shumë se aktualisht. Po ashtu, prindërve do t’u zbriten 25,000 franga për vit për kujdesin e fëmijëve. Taksa për të ardhurat e ulëta do të bie nga 21.75% në 21%, shkruan thelocal.ch, përcjell albinfo.ch.

Për këtë mbahet referendum më 12 mars. Por kjo nuk është aq e thjeshtë. Të majtët kanë një propozim tjetër, ata kundërshtojnë uljen e taksave për të pasurit, duke thënë që kjo ulje nuk duhet t’i ndihmojë ata. Propozimi i tyre është që ulja të mos i përfshijë të pasurit dhe rimbursim prej 45 milionë, jo 88 milionë.

Gjeneva

Aktualisht, aksionerët më të mëdhenj në kanton tatohen vetëm pjesërisht rreth 60 dhe 70%, për dividentën e tyre. Por, një aleancë e quajtur Together to Left (Ansemble à Gauche), që përbëhet nga të Gjelbërit, socialistët dhe sindikatat, ka nisur një iniciativë që nëse miratohet në votime të dielën, do të vendosë një normë taksimi prej 100 për qind.

Autoritetet kantonale, nga ana tjetër, thonë se miratimi i këtij propozimi do ta bënte Gjenevën më pak tërheqëse për bizneset dhe shumë mund të zgjedhin të largohen nga kantoni, duke shtuar se aktualisht taksohet mjaftueshëm dividenta. “Në Gjenevë, 1600 tatimpagues marrin 1 miliard franga nga dividentët në vit, që do të thotë mesatarisht 50,000 franga të ardhura mujore për tatimpagues”, shkruan the local.ch, përcjell albinfo.ch.