Lajme

Çmimet e bukës do të rriten në Zvicër

E enjte, 4 Nëntor 2021 - 10:00 albinfo.ch

@pixabay

Për shkak të ftohtit dhe reshjeve të dendura që goditën Zvicrën gjatë verës, çmimet për produktet e furrës së shpejti do të rriten, sipas Federatës së Mullistëve Zviceranë (FMS).

Kushtet e motit patën ndikim jo vetëm në sasinë e drithërave – me një rënie të vlerësuar prej më shumë se 30 për qind në krahasim me vitet e mëparshme – por edhe në cilësinë e tyre, shkruajnë mediat zvicerane, përcjell albinfo.ch.

Prandaj FMS pret që kostot të rriten me 10 deri në 12 për qind për një mulli mesatar zviceran, një rritje që do të ketë pasoja në çmimet që konsumatorët do të duhet të paguajnë për produktet e bukës.