Çmimi i pijeve po rritet në Zvicër

Një tjetër produkt i përdorur zakonisht po bëhet më i shtrenjtë: pijet joalkoolike.

“Çmimi i PET [shishes] po rritet dukshëm, dhe bashkë me të, edhe ai i ujit mineral e pijet joalkoolike”, sipas një raporti në 20 Minuten, përcjell albinfo.ch.

Thuhet se ekziston rreziku i rritjes së mëtejshme të çmimeve.

Për shembull, çmimet për litër ujë mineral tani janë 5 deri në 10 centë më të larta, në varësi të shitësit me pakicë.

Nga katër shitësit kryesorë që anketoi gazeta – Migros, Coop, Aldi dhe Lidl – vetëm Coop nuk e ka rritur ende çmimin e pijeve, megjithëse zëdhënësi i saj pranoi se kompania “aktualisht nuk mund të përjashtojë rregullimet e çmimeve”, për shkak të kostos më të lartë të produkteve të papërpunuara, materialeve, mungesës së materialit ambalazhues dhe rritjes së kostove të transportit dhe energjisë.

Pijet i janë bashkuar një liste në rritje të produkteve të tjera të përditshme, çmimet e të cilave janë rritur për shkak të inflacionit dhe luftës në Ukrainë. /Albinfo.ch

---