Çmimi për integrim 2011 i qytetit të Bernës

Fitues i sivjetshëm është “Teatri Ararat”

Qyteti i Bernës, çmimin e sivjetshëm për integrim ia ndanë shoqatës “Teatri Ararat”. Në këtë shoqatë angazhohen njerëz me prejardhje nga vendet e ndryshme në përgatitjen e paraqitjeve teatrore. Kjo punë mundëson rrjetëzimin dhe është integrim i konkret. Çmimi inkurajues i ndahet projektit të burrave “Të jesh baba në Zvicër”.

“Teatri Ararat” është grup i adhuruesve dhe dashamirëve të teatrit. Ky grup i përbërë nga zviceran, turq dhe kurd rritet vazhdimisht dhe në këto 10 vite sa ekziston kjo shoqatë, ka arritur të bëj përgatitjen dhe shfaqjen e tri pjesëve teatrore.

Këto shfaqje trajtojnë temat si të qënit i huaj, integrimin dhe dallimet shoqërore. Me shfaqjen e fundit “Ein Heimspiel” janë paraqitur jo vetëm në Zvicër, por edhe në Gjermani dhe Austri.

Juria në udhëheqjen e z. Edit Olibet, Këshilltare komunale për Arsim, çështje sociale dhe sport ka vlerësuar lartë vazhdimësinë në punë të “Teatrit Ararat” dhe faktin se ky i shfrytëzon mirë resurset e anëtarëve duke i përmirësuar ato vazhdimisht. Shfaqjet e teatrit janë kompozime të grupit; prej teksteve, dramaturgjisë e deri të organizimi i shfaqjeve, të gjitha bëhen nga anëtarët e shoqatës. Shoqata organizon edhe takime kulturore, mbrëmje letrare dhe festa. Çmimi ka vlerë prej 5000 frangash.

Çmimi inkurajues për projektin e burrave “Të jesh baba në Zvicër”

Ky çmim prej 2000 frangave i është ndarë këtij projekti, sepse ky organizon takime me prind migrant. Në këto takime etërit nga vendet e ndryshme diskutojnë mbi familjet e tyre dhe edukimin e fëmijëve. Interesant e bën projektin fakti se ka shumë pak projekte të cilat i drejtohen meshkujve dhe ky projekt është një plotësim i rëndësishëm i ofertave ekzistuese në fushën e integrimit në Bernë.

Kutia:

Çmimi për integrim dhe çmimi inkurajues i Qytetit të Bernës

Çmimi për integrim i Qytetit të Bernës në vlerë prej 5000 frangave ndahet prej vitit 2004. Ky çmim ndahet nga Drejtoria Komunale për Arsim, çështje Sociale dhe Sport. Qëllimi i çmimit është njohja publike e punës së bërë nga persona, shoqata dhe grupe në fushën e integrimit.

Çmimi inkurajues me vlerë prej 2000 frangave ndahet prej vitit 2008 dhe vlerëson lartë projektet e reja dhe inovative.

Për më shumë informacione: www.integration.bern.ch