Çmimi për literaturë shkon te poeti zviceran Beat Brechbühl

Në festivalin letrar të poezisë “Ditët e Naimit”, që do mbahet gjatë kësaj jave në Tetovë dhe Pogradec, poeti zviceran Beat Brechbühl nderohet me çmimin letrar të poezisë

Prej 18-22 tetor 2018 në Tetovë dhe në Pogradec do të mbahet edicioni i 22-të i Festivalit ndërkombëtar të poezisë “Ditët e Naimit”. Atë do ta karakterizojë një program i ngjeshur letrar, artistik dhe kulturor. Në të do të mbahen katër lexime letrare, do të promovohen 5 libra të rinj të shtëpisë botuese “Ditët e Naimit”, si dhe do të bëhen vizita të ndryshme në monumentet kulturore, historike dhe fetare në qytetin e Tetovës dhe atë të Pogradecit, tha drejtori i FNP “Ditët e Naimit”, Shaip Emërllahu.

Në edicionin e 22-të të Festivalit ndërkombëtar të poezisë “Ditët e Naimit” marrin pjesë poetë nga vende të ndryshme të botës, si: Beat Brechbuhl (Zvicër), Gerry van der Linden (Holandë), Kristian Guttesen (Islandë), Gloria Sofia (Portugali), Elizabeth (Malta), Marisol Bohoruez (Kolumbi), Eliza Segiet (Poloni), Licilla Trapazo (Zvicër), Rokiah Hashi (Malajzi), Primozh Repar (Slloveni), Natalia Trevino (SHBA), Moan Shalaba (Izrael), Gema Bocardo  (Spanjë), Jon Hoyer (Danimarkë),  Giuseppe Napolitano (Itali), Noah Avala (Portoriko), Silke Liria Blumbach (Gjermani), Elena Prenxhova dhe Slagjana Bojanovska (Maqedoni), Erina Çoku, Ylli Çela dhe Arjan Kallço (Shqipëri), Brahim Avdili dhe Ndue Ukaj (Kosovë), Bardhyl Zaimi dhe Remzi Salihu (Maqedoni).

Dhënia e çmimit do të bëhet natën e 18 tetorit, në Qendrën Kulturore të Tetovës. Leximet e Brechbühl në Tetovë, të enjten më 18 tetor dhe të shtunën, më 20 tetor, do të transmetohen drejtpërsëdrejti nga televizioni shtetëror i Maqedonisë, informon albinfo.ch.

Ky njoftim ka shkaktuar kënaqësi të madhe te Beat Brechbühl: Në mesin e ish-fituesve të çmimit letrar “Naim Frashëri” u, a. Abdellatif Laabi nga Maroku dhe Ewa Lipska nga Polonia. Që të dy janë lexuar shumë vite më parë në Ditët lirike të Frauenfeldit. Duhet theksuar se vitin e kaluar u publikuan dy libra të Beat Brechbühl në Waldgut.

---