COOP dhe Migros njoftojnë rritje të mëtejshme çmimesh për vitin 2023

Rritja e çmimeve të energjisë është arsyeja. Megjithatë, Migros synon të mos kalojë shpenzimet tërësisht te klientët

Dy kompanotë më të mëdha zvicerane të shitjes me pakicë, Coop dhe Migros, kanë njoftuar rritje të mëtejshme të çmimeve për vitin 2023.

Rritja e çmimeve të energjisë është arsyeja për këtë, tha një zëdhënës i Migros, transmeton albinfo.ch. Megjithatë, Migros gjithashtu synon të vazhdojë të heqë dorë nga marzhet dhe të mos kalojë shpenzimet e rritura tërësisht te klientët.

Një zëdhënës i Coop është shprehur për gazetën “SonntagsZeitung” se ishte rritir po ashtu edhe kostoja e materialit të paketimit. Produktet e ndryshme të qumështit në Coop dhe Migros do të jenë më të shtrenjta  edhe për shkak të rritjes së çmimit të qumështit, në nivel vendi.

Kompania që udhëheq me kioskat e Zviocrës, Valora, ka rritur çmimet në kioskat K në fillim të vitit, përcjell albinfo.ch. Blerjet në dyqanet Avec dhe degët Press&Books gjithashtu kanë qenë më të shtrenjta që nga 1 janari.

---