Cyrihu nuk dëshiron të trembë turistët e huaj

"Nuk duhet të ketë karantinë, mjafton një test se a janë të infektuar"

Ndërsa Këshilli Federal po debaton për shtrirjen e certifikatës Covid për të udhëtuar, ndoshta duke futur masa të tilla, si testimi dhe madje edhe karantina për mbërritjet e pavaksinuara nga jashtë, zyrtarët e Cyrihut thanë se ata janë kundër masave joproporcionale që mund të dëmtojnë ekonominë lokale, transmeton albinfo.ch.

Ndërsa ata mbështesin shqyrtimin, gjithashtu argumentojnë se turistëve të pavaksinuar duhet t’u kërkohet të testojnë vetëm në bazë “se sa mbartin rrezik”- domethënë, vetëm nëse vijnë nga zona me numër të lartë të infeksioneve.

Për më tepër, autoritetet e Cyrihut janë kundër një detyrimi karantine, pasi “do të shkaktonte dëme masive për bizneset dhe turizmin vendas”. /Albinfo.ch

---