Cyrihu po përgatit gjimnazet e tij për të ardhmen

Gjashtë profilet e deritashme të diplomës do të zëvendësohen nga dymbëdhjetë lëndë kryesore, nga të cilat nxënësit do të zgjedhin një

Për dhjetë vjet, qeveria federale dhe kantonet kanë punuar për një riorganizim të madh të Gjimnazeve (shkollave të mesme) sepse universitetet ankoheshin se të diplomuarit e shkollave të mesme nuk ishin më vërtet të gatshëm për universitet.

Aktualisht, Kantoni i Cyrihut po planifikon një reformë shkollore për Gjimnazet në përputhje me standardet kombëtare, transmeton albinfo.ch. Gjashtë profilet e deritashme të diplomës do të zëvendësohen nga dymbëdhjetë lëndë kryesore, nga të cilat nxënësit do të zgjedhin një.

Gama e lëndëve kryesore duhet të përfshijë lëndë nga të katër fushat lëndore (gjuhët; matematika, shkencat kompjuterike dhe shkencat natyrore; shkencat humane dhe shoqërore; dhe lëndët artistike), shkruan srf.ch.

Në lëndët kryesore, pothuajse një e katërta e mësimeve duhet të zhvillohen në një mënyrë ndërdisiplinore.

Departamenti i Arsimit ka përpiluar propozimin për hartimin e lëndëve kryesore së bashku me gjimnazet. Oferta synon t’u japë nxënësve mundësinë të thellohen më shumë në studimet e tyre sipas interesave të tyre dhe të zhvillojnë një mendësi shkencore, trasnmeton albinfo.ch. Lëndët kryesore përbëjnë pothuajse dhjetë për qind të kurrikulës totale.

Shkollat ​​janë të lira të zgjedhin lëndët e tyre plotësuese. Prandaj, 21 gjimnazet kantonale mund të vazhdojnë të përcaktojnë prioritetet e tyre.

Rregulloret e reja federale do të zbatohen nga viti shkollor 2029/30. Të gjitha kantonet duhet t’i zbatojnë ato deri atëherë.

---