Ekspozita

Daniel Gjoka, artisti që zbukuron muret në Gjermani dhe bunkerët në Shqipëri

Daniel Gjoka: Cutwork – Orange, street art, graffiti, stencil art, Forum Merzhausen, nga 30 korriku deri më 24 nëntor 2022

Shoqata kulturore “Artisse” në Merzhausen, Gjermani, prezanton punimet në “artin e rrugës”, grafitti etj. të artistit shqiptar Daniel Gjoka, nga 30 korriku deri më 24 nëntor 2022.

Punimet e artistit Daniel Gjoka që shfaqen në Merzhausen janë të spërkatura dhe vetëm pjesërisht janë plotësuar me furçë. Në plan të parë janë figurat e tij të bëra me spray, transmeton albinfo.ch. Idetë për punën e tij ai i merr nga mjedisi i tij i afërt.

Kështu, zgjedhja e motivit shërben jo vetëm për një qëllim artistik, por edhe si një mundësi për artistin që të “kapë” momentet nga jeta e tij.

Në parim, veprat e tij nuk janë të motivuara politikisht. Përkundrazi, qëllimi i tij është të sjellë ngjyra dhe gëzim në botë, sepse bota është mjaft me ngjyrë gri, mendon ai, shkruan guetsel.de. Tablotë e tij duhet të sjellin gëzim.

Si një artist rruge, ngjyra pikturave të tij, ai ka spërkatur që nga viti 2017, përfshi këtu edhe në Merzhausen.

Daniel Gjoka është i lindur në vitin 1978, i martuar dhe ka 2 fëmijë. Jeton dhe punon në Fribourg. A është infermier dhe artist. Me art merret që nga viti 2003, fillimisht duke pikturuar akrilik në telajo, dhe nga viti 2006 dhe 2007 i ka bërë tentativat e para si artist grafiti, përcjell albinfo.ch. Ai është një “artist rruge” që nga maji 2017. Si i tillë, ai ka bërë spërkatjen e kutive të centraleve elektrike në Freiburg Haslach, më vonë edhe në Sankt Georgen, Günterstal dhe Merzhausen.

Disa projekte në Gjermani dhe jashtë saj, duke përfshirë Zvicrën, Gjeorgjinë, Armeninë dhe Shqipërinë.

Në Shqipëri ai ka spërkatur bunkerët e kohës së diktaturës. Daniel Gjoka ka punuar me të rinj, nxënës dhe kursantë në projekte të ndryshme. Ai ka ekspozita në Freiburg, Lahr, Staufen, Emmendingen, Lörrach, Ulm, Karlsruhe, Prishtinë dhe Tiranë.


LAJME INTERESANTE NGA INTERNETI