Dardanët zbarkuan në Basel, gati për sfidën ndaj Zvicrës

Përfaqësuesja e Kosovës udhëtoi drejt Zvicrës për përballjen e parë kualifikuese

Përfaqësuesja e Kosovës në futboll ka zbarkuar të enjten paradite në qytetin e Basel-it, ku të premten do të përballet me Zvicrën në kuadër të ndeshjes së parë kualifikuese për Kupën e Botës 2026, transmeton albinfo.ch.

Ndeshja do të zhvillohet në orën 20:45 dhe konsiderohet si një përballje shumë e rëndësishme për “Dardanët”, të cilët janë të vendosur ta nisin me sukses këtë cikël eliminator.

Sipas njoftimit nga Federata e Futbollit të Kosovës (FFK), atmosfera në kampin e Kosovës është pozitive, me lojtarët dhe stafin që shfaqin besim dhe motivim të lartë.

Kosova synon që përmes lojës së disiplinuar dhe përkushtimit maksimal të tregojë forcën e saj përballë një kundërshtari cilësor si Zvicra.

---