Shkurt.ch
Decodex: Këshilla për të vlerësuar informacionet që qarkullojnë në internet
Decodex shërben me disa mjete për të kontrolluar dhe vlerësuar informacionet e marra në internet. Por gjithashtu, albinfo.ch ofron disa metoda për t’ ju mundësuar të krijoni mendimin tuaj rreth artikujve që mund t’i lexoni në internet.
Gazeta frankofone “Le Monde” ka nisur projektin e saj Decodex për të luftuar kundër shpërndarjes së informacioneve të rreme.
Fryt i një pune njëvjeçare, Decodex ka nisur veprimin në fillim të shkurtit 2017 nga gazeta “Le Monde” dhe është një mjet që ka për qëllim të luftojë kundër informacioneve të rreme që përhapen dhe për të ndihmuar përdoruesit e internetit që të gjejnë rrugën e tyre në xhunglën e faqeve prodhuese ose shpërndarës së informacioneve. Decodex tregon nëse një medie citon burimet e veta dhe nëse i kontrollon të dhënat që boton. Nëse një faqe prodhon dhe përhap informacione të rreme, nëse ajo është militante pa përmendur përkatësinë e saj politike. Pra, para se të vendosni të shkëmbeni një informacion, ju keni mjete të ndryshme që janë në dispozicionin tuaj për të vlerësuar besueshmërinë e lajmit të dhënë.
– Një zgjerim Chrome (shkarko këtu) dhe Firefox (shkarko këtu) që ju tregon në kohë reale gjatë navigacionit tuaj, në qoftë se vendi ku është botuar një lajm është i besueshëm ose, më mirë, në qoftë se ai rregullisht shpërndan informacione të rreme;
– Një motor kërkimi në faqen e internetit te “Le Monde” (kliko këtu për qasje) për të kontrolluar besueshmërinë e faqes;
– Një “bot Facebook”, kur ju flisni me dekoderët në dritaren e chat-it ose në aplikacionin Facebook Messenger, robot që ndihmon verifikimin e informacionit (klikoni këtu për të hyrë);
– Artikuj pedagogjikë, veçanërisht për mësuesit (klikoni këtu për të hyrë): aty ju mund të gjeni këshilla për të bërë dallimin në mes të informacionit dhe një burimi të informacionit, këshilla për të kontrolluar informacionin, një imazh apo një video që qarkullon në internet, etj.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut Falë skanerëve të rinj CT, gjithnjë e më shumë aeroporte në Evropë po heqin rregullore të...
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?