Dekorohen 140 ushtarë zviceranë që kanë shërbyer në Kosovë

Të premten, më 6 tetor në sheshin e fshatit Stans janë dekoruar me medale të shërbimit 140 pjesëtarë të Kontigjentit të 36-të të Swisscoy-t

Në Stans, Kantoni Nidwalden në Zvicrën Qendrore është e vendosur qendra Swissint për trajnimin e ushtarëve që përgatiten për të shërbyer në Swisscoy, misionin ushtarak zviceran në kuadër të KFOR-it, në Kosovë.

Të premten, më 6 tetor në sheshin e fshatit Stans janë dekoruar me medale të shërbimit 140 pjesëtarë të Kontigjentit të 36-të të Swisscoy-t, thuhet në një njoftim të publikuar në luzernerzeitung.ch.

Mirënjohjet ata i kanë marrë për shërbimin gjashtëmujor në Kosovë, të cilin e kanë përmbyllur më 5 tetor, transmeton albinfo.ch. Ndërsa duke filluar nga 5 tetori 2017 përgjegjësinë në kuadër të Swisscoy-t e ka marrë kontingjenti numër 37, thuhet në një komunikatë të misionit ushatark zviceran në Kosovë.

Të gjitha, katër regjionet gjuhësore të Zvicrës janë të përfaqësuara në Swisscoy, i cili vepron që nga tetori i vitit 1999 ndërsa 16 për qind të pjesëtarëve janë të gjinisë femrore.

Foto: Swissint)(