Sapo ka përfunduar ndeshja në Kampionatin zviceran në mes të YB dhe Luzernit me rezultat 2:1. Me lëtë fitore, Young Boys edhe matematikisht e ka siguruar titullin e kampionit në Zvicër, edhe ate pas plot 32 vitesh, gjë që ka shkaktuar gëzim të paparë tek kryeqytetasit.

Festa e qytetarëve të Bernës pritet të vazhdojë gjatë tërë natës, ndërsa nga stadiumu “Stade de Suisse” janë regjistruar pamje fantastike me ç`rast fusha e gjelbër u shndërrua në të verdhë nga tifozët e shumtë që e vërshuan.

Kjo ndeshje ishte tejet dramatike, pasi mysafirët erdhën në avantazh në minutën 47 përmes Christian Schneuwly, njofton Albinfo.ch. Mirëpo, vendasit nuk u dorëzuan dhe në minutën 52`nga penalltia e ekzekutuar nga Guillaume Hoarau e barazuan rezultatin. Në minutën 76 dukej sikur do të shuhej ëndrra e vendasve për titullin, por për fat të mirë penalltinë e ekzekutuar nga Valeriane Gvilia, portieri Marco Wölfli e mbrojti në mënyrë senzacionale.

Pak para përundimit të kohës së rregullt të ndeshjes, zëvendësuesi Jean-Pierre Nsame shënon golin vendimtar, me të cilin ekipin e tij e shndërron në kampion zviceran pas plot 32 vitesh.

https://www.facebook.com/bscyb/videos/2271607489533091/