Dënohen se protestuan kundër dëbimit të një familjeje nga Kosova

Familja Komani nga Kosova ka hyrë në historinë e azilit në Austri.

Familja katëranëtarëshe nga Kosova ka marrë leje të përhershme qëndrimi jo vetëm për shkaqe humanitare, por edhe për shkak të guximit të qytetarëve që kishin protestuar kundër deportimit të planifikuar të saj.

Këta të fundit ishin shumica studentë vendës austriakë, të cilët këtë guxim janë duke e paguar shtrenjtë.

Sipas portalit austriak Derstandrat, ata pse morën pjesë tetorin e kaluar në një tubim në Vjenën tashmë janë dënuar nga policia austriake me nga 200 euro.

Policia autsriake arsyetohet se studentët kanë treguar sjellje të pamatura në publik, duke prishur rendin dhe qetësinë në bllokim të rrugëve të Vjenës.

Sipa tyre, ligjërisht ka shkelje administrative në përputhje me aktet policore dhe Kodin Rrugor.

Të Gjelbërit në Vjenë kanë shprehuar gatishmërinë t‘u ofrojnë të rinjve ndihmë ligjore.

Nikolas Kunrath, kryetar i Të Gjelbërve në Austri, ka thënë se gjatë protestës kundër dëbimit, policia më pas ka shqyrtuar edhe një herë rastin se a duhet të dëbohet familja nga Kosova. Dhe kjo është ekstrem cinik. „Në çdo rast është e pajustifkuar, ngase të rinjtë që kanë protestuar janë vendës të Austrisë“, ka thënë Kunrath.