Der Spiegel:Përpjekje për puç në Kosovë

Tri vjet pas shpalljes së pavarësisë veteranët e ish-UÇK-së e mbajnë fuqishëm pushtetin në shtetin më të ri të Evropës

Kjo trupë dikur kishte luftuar kundër serbëve. Nëse puna shkon sipas ministrit të Punëve të Brendshme, Bajram Rexhepi, i cili edhe vetë ka qenë njëri nga eksponentët e UÇK-së, organizata pasardhëse – Forca e Sigurisë e Kosovës (FSK)me 2500 pjesëtarë – do duhej të merrte së shpejti madje edhe funksione policore. 

“Ky do të ishte qartë një puç”, ka thënë për javoren Der Spiegel një përfaqësues i lartë i trupave paqeruajtëse të KFOR-it. 

Në fakt, trupat e sigurisë do duhej të vepronin si një lloj organizate për ndihmë teknike. Megjithatë, trupat e FSK-së mund të bartin armë të lehta dhe me qejf sillen si “ushtri” e Kosovës. 

Së fundi, në shtypin kosovar u përvijua një memorandum, të cilin e kishin nënshkruar Rexhepi dhe ministri i FSK-së, Agim Çeku. 

Në nenin 3 thuhet se FSK-ja në të ardhmen mund të ndërhyjnë në rast trazirash dhe madje të kontrollojnë persona. 

Nëse miratohen këto rregulla, atëherë elita e vjetër e UÇK-së do të krijonte një instrument plotësues të pushtetit. 

Kuvendi i Kosovës i ka ftuar të dy ministrat – dhe ata u ngutën të minimizojnë planet e tyre. Bashkësia ndërkombëtare është gjithsesi e zemëruar. 

Para disa ditësh Fondi Monetar Ndërkombëtar (FMN) ngriu një pagesë prej 87 milionë eurosh, sepse kryeministri dhe komandanti i dikurshëm i UÇK-së, Hashim Thaçi, nuk po u përmbahet kushteve të kursimit. 

“Edhe më tutje janë aktuale akuzat se ai ka qenë i përfshirë në tregtinë me organe të armiqve të vrarë. Po ashtu bisedime mbi statusin e Kosovës veriore të banuar kryesisht me serbë po zhvillohen ngadalë, mes tjerash për shkak se udhëheqja në Prishtinë refuzon të bëjë kompromise”, shkruan Der Spiegel.