Diaspora kosovare e meriton një qasje më pragmatike

Oda Ekonomike e Kosovës dhe Organizata Ndërkombëtare e Migrimit -IOM nënshkruan një memorandum bashkëpunimi, e cila siç thanë krerët e dy organizatave duhet të jetë një platforme e një bashkëpunimi të mirëfilltë nga i cili do të ketë efekte pozitive në punën e të dy institucioneve.

Kryetari i OEK-ut, Safet Gërxhaliu ka thënë se diaspora kosovare e meriton një qasje më pragmatike e që të jetë e informuar dhe e involvuar në trendët e ndryshme kosovare duke vlerësuar se ky bashkëpunim në mes të OEK-ut dhe IOM-it do të ketë efekte pozitive.

“E dyta do të hulumtojmë mundësitë që bashkërisht të punojmë në implementimin e projekteve për përgatitjen e të kthyerve nga vende të ndryshme të botës në Kosovë dhe që ata të mos mbeten barrë e shoqërisë kosovare, por të jenë pjesë e forcimit të realitetit kosovar”, ka thënë ai, shkruan Express

Sipas tij, një gjë e tillë kontribuon edhe në gjetjen e mundësive për implementim të projekteve të ndryshme nga Komisioni Evropian dhe donatorët e ndryshëm, për gjetjen e vendeve të reja të punës dhe bartjen e njohurive që posedon diaspora kosovare.

Ai ka përkujtuar se qasja e riatdhesimit sipas Raportit të Progresit është potencuar si pikë e dobët, ndërsa ka shfaqur shpresën për gjetjen e mundësive që kjo vërejte nga Raporti i Progresit të mënjanohet në të ardhmen.