“Diaspora Për Shqipërinë e Lirë” me kërkesa për votën e emigrantëve

Diaspora e Lirë përmes një letre dërguar Komisionit Qendror të Zgjedhjeve (KQZ) në Shqipëri u ka kujtuar atyre se kanë mbetur vetëm 22 ditë deri më datën 13 Nëntor 2024 për të përfunduar procesin e miratimit të akteve nënligjore të nevojshme për mundësimin e votës së shqiptarëve jashtë vendit.

Ky afat konsiderohet i shkurtër, duke marrë parasysh kompleksitetin e procesit, i cili përfshin hartimin, hapjen për diskutim publik, zhvillimin e diskutimeve në grupet e punës dhe miratimin përfundimtar të akteve.

Diaspora bën thirrje për veprim urgjent, duke nënvizuar se është thelbësore që të gjitha palët e interesuara të përfshihen në procesin e diskutimit deri në miratimin e akteve.

Letra e plotë:

𝐊Ë𝐑𝐊𝐄𝐒Ë 𝐏𝐔𝐁𝐋𝐈𝐊𝐄 𝐃𝐑𝐄𝐉𝐓𝐔𝐀𝐑 𝐊𝐎𝐌𝐈𝐒𝐈𝐎𝐍𝐈𝐓 𝐐𝐄𝐍𝐃𝐑𝐎𝐑 𝐓Ë 𝐙𝐆𝐉𝐄𝐃𝐇𝐉𝐄𝐕𝐄

𝐋ë𝐧𝐝𝐚: Mosmiratimi i akteve nënligjore për votim nga diaspora në zgjedhjet Parlamentare 2025

𝐃𝐫𝐞𝐣𝐭𝐮𝐚𝐫:: Komisionit Qendror të Zgjedhjeve (KQZ)

𝐏ë𝐫 𝐝𝐢𝐣𝐞𝐧𝐢:

• Keshillit të Ministrave të Republikës së Shqipërisë

•Partive Politike në Shqipëri

• Organizatave të Shoqërisë Civile

• Përfaqësive Diplomatike të Republikës së Shqipërisë

•Misionit të OSBE/ODIHR në Shqipëri

I nderuar Komision Qendror i Zgjedhjeve,

Me këtë kërkesë, deshirojme t’ju rikujtojmë se kanë mbetur vetëm 𝟐𝟐 𝐝𝐢𝐭ë deri më datën 𝟏𝟑 𝐍ë𝐧𝐭𝐨𝐫 𝟐𝟎𝟐𝟒 për të perfunduar procesin e miratimit te të gjitha akteve nënligjore të nevojshme për mundesimin e votës së diasporës.

Ky afat eshtë jashtëzakonisht i shkurtër, duke pasur parasysh kompleksitetin e procesit që përfshin hartimin, hapjen për diskutim publik, zhvillimin e diskutimeve në grupet e punës dhe miratimin perfundimtar të këtyre akteve.

Çdo vonesë e mëtejshme do te rrezikojë seriozisht të drejtën kushtetuese të votës për qytetarët shqiptare qeë jetojnë jashtë vendit dhe do të minojë përgatitjet e nevojshme për zgjedhjet e ardhshme.

𝐊ë𝐫𝐤𝐞𝐬𝐚 𝐣𝐨𝐧ë:

Me besim të plotë, ju nxisim te veproni me urgjencë për të permbushur detyrimet ligjore që lidhen me përgatitjen e akteve nënligjore, duke perfshire si gjithmonë të gjitha palët e interesuara në procesin e diskutimit deri në miratimin e tyre.

Koha është e kufizuar, dhe çdo hap i mëtejshëm eshtë thelbësor per te garantuar te drejtën e votës për diasporën.

Në pritje te veprimeve tuaja, mbetemi me respekt.

Diaspora Për Shqipërine e Lirë

---