Diaspora sjell kesh me vete, por jo edhe investime

Mërgimtarët nga Maqedonia në Itali, Gjermani, Zvicër dhe vende të tjera evropiane në këtë kohë të pushimeve kthehen në vendin e tyre.

Kur kthehen në Maqedoni, ata sjellin para të gatshme, të cilat i harxhojnë në vend.

Në fakt, një pjesë e vogël e fondeve nga emigrantët vijnë përmes kanaleve bankare, thonë mediat në Shkup, përcjell albinfo.ch.

Sondazhet tregojnë se paratë që vijnë nga jashtë shpenzohen për shumicën e nevojave të përditshme, e jo duke investuar në biznese.

Ekspertët ekonomikë thonë për mediat në Shkup se besojnë se është më mirë që paratë t’i investojnë në biznese dhe, në këtë mënyrë, të kontribuojnë në zvogëlimin e papunësisë dhe për të krijuar klimën e favorshme të biznesit në Maqedoni.

Maqedonia pranon të paktën 4 për qind të PBB-së nëpërmjet remitencave, transmeton albinfo.ch.

Dërgesat sipas ekspertëve ruajnë stabilitetit social dhe standardin e jetesës së qytetarëve, rreth 15-20 për qind të familjeve marrin remitenca mesatarisht që shkojnë deri 2.000 euro në vit.