“Die Zeit”: Video reportazh me infermierin shqiptar në Gjermani

Djaloshi 23-vjeçar është dashur vetëm ta nënshkruajë një kontratë pune dhe ia filloi punës, me ç`rast i ndihmuan në çështjet administrative

Në Gjermani aktualisht mungojnë rreth 80.000 infermierë. Hendekun do të duhet ta mbyllin personat si Samed Qoshja që ka ardhur nga Shqipëria.

Në momentin që ai erdhi në Berlin, në janar të vitit të kaluar, u prit dhe u shoqërua nga aeroporti dhe iu sigurua një banesë me çmim të përballueshëm, përcjell albinfo.ch.

Djaloshi 23-vjeçar është dashur vetëm ta nënshkruajë një kontratë pune dhe ia filloi punës, me ç`rast i ndihmuan në çështjet administrative.

Qoshja nuk është kuadër që paguhet shumë, por i takon fuqisë përkujdesëse të punëtorëve, të cilëve Charité në Berlin u jep ndihmë të tillë fillestare.

Ai është njëri nga dhjetëra të parët infermierë nga Shqipëria që janë punësuar në klinikën më të madhe universitare evropiane, shkruan “N-TV”, përcjell Albinfo.ch.

Në këtë vend të mëhershëm komunist ekziston diçka që Gjermania vetëm mund të ëndërroje: Suficiti i inferimerëve. A do të tejkalohet pra ky problem në Gjermani? Ndiqeni një video reportazh interesant të përgatitur nga e përditshmja gjermane “Die Zeit”.