Diskutim në lidhje me përfshirjen e diasporës në votimet në Shqipëri

Diaspora Për Shqipërinë e Lirë (DPSHL) në bashkëpunim me Shoqatën Studenti Zürich kanë kënaqësinë tju ftojnë në nje diskutim të hapur mbi pjesëmarrjen e diasporës shqiptare në votimet në Shqipëri, përcjell albinfo.ch.

Evenimenti do të ketë të ftuar:

Znj. Jonida Floer Bruci – Bashkëpresidente e Lëvizjes Diaspora Për Shqipërinë e Lirë

1. Florian Haçkaj – Bashkëpresident dhe Bashkëthemelues i Lëvizjes Diaspora Për Shqipërinë e Lirë

Dr. Klodian Rado – Pedagog / Ekspert Konstitucionalist – Albanian Canadian Development Alternative

1. Eleonit Smajli – Shoqata Studenti Zürich – Fushata “DU ME VOTU”

Referuesit në eveniment do të ofrojnë një panoramë të plotë të procesit të votimit nga jashtë për qytetarët shqiptarë me banim jashtë vendit, duke përfshirë një pasqyrë të zhvillimeve, aspekteve ligjore, politike, të impaktit që votimi nga jashtë ka prodhuar në vendet e tjera si dhe të potencialeve të jashtëzakonshme të ndryshimit që mund të prodhojë në Shqipëri.

Gjithashtu do të kemi një pasqyrë të fushatës “DU ME VOTU”, e cila ka ndihmuar qytetarët e Kosovës të regjistrohen në zgjedhjet e shkuara në Kosovë.

Evenimenti do të ketë trajtë ndërvepruese dhe diskutimet do të jenë të hapura, çdo pjesëmarrës mund të bëjë pyetje dhe të japë mendime në lidhje me procesin.

Prezenca juaj na nderon dhe do të ishte kënaqësi e veçantë të bashkëbisedojmë dhe të ndajmë mendime rreth këtij procesi kaq të rëndësishëm për vendin.

Duke ju falënderuar, urojmë të shihemi më 16 mars 2023, në orën 19:00, në ndërtesën kryesore të ETH Zürich, në sallën HG E 1.2

Mund të regjistroheni edhe këtu për të marrë më shumë info: https://www.eventbrite.com/e/diskutim-i-hapur-ne-lidhje-me-perfshirjen-e-diapores-ne-votimet-ne-shqiperi-tickets-576593325157?utm-campaign=social&utm-content=attendeeshare&utm-medium=discovery&utm-term=listing&utm-source=cp&aff=escb&fbclid=IwAR3V5uALapYvaYd4mv92b3Xst88JFD-wQAd8FKipw6z4l_G5OV7z4CLahAg