Distria Krasniqi, në gjysmëfinale të ‘Grand Slamit’ në Hungari

Distria Krasniqi është kualifikuar për në gjysmëfinale në kuadër të xhudos në turneun “Grand Slam” që po mbahet në Budapest të Hungarisë.

Krasniqi gjendet në kategorinë prej -48 kg dhe në çerekfinale është ndeshur me francezen Shirine Boukli, ku edhe ka arritur të fitojë. Në gjysmëfinale ajo do të takohet me përfaqësuesen e Izraelit, Shira Rishony, shkruan Rtk, përcjell Albinfo.ch.

Distria është e vetmja garuese nga Kosova që ka mbetur në garë për medalje, pasi që më herët Flaka Loxha dhe Shigeki Nakamura pësuan humbje në rundin e dytë. Nakamura në kategorinë prej -66kg kishte përballë kampionin e Evropës 208, sllovenin Adrian Gomboc, i cili ia shkaktoi humbjen, ndërsa Loxha në kategorinë prej -57 kg pësoi humbje nga kanadezja me përvojë, Jessica Klimkeit, edhe pse e filloi me fitore.

Ndërkaq Nora Gjakova në kategorinë prej -57 kg nuk arriti të kualifikohej në rundin e tretë, pasi humbi nga francezja Helene Receveaux.