Dita e Diversitetit – dita e nacioneve!

Më shumë se 20 shoqata dhe grupe ju ftojnë të merrni pjesë, të mahniteni dhe të shijoni

Shoqata Kulturore Artistike “Dardania” do të mbajë një aktivitet të veçantë “Dita e Diversitetit – dita e nocioneve”.

“Festoni me ne këtë festë të gjallë të organizuar nga Forumi Ndërkulturor Winterthur!

Më shumë se 20 shoqata dhe grupe ju ftojnë të merrni pjesë, të mahniteni dhe të shijoni.

Pasditja do të ofrojë shumë punëtori interesante: gatim së bashku, vallëzim, muzikë, punime artizanale  nga shkëmbime për aftësi ndërkulturore te tatuazhe me ngjyra, nga gatimi i brumeve, deri te kaligrafia arabe.

Për fëmijët do të ketë lojëra, argëtim, punëtori kreative dhe ëmbëlsira.

Po ashtu, do të shijoni aromat dhe specialitetet nga e gjithë bota: shishqebapë kurdë, ushqime të shpejta afgane, specialitete tibetiane dhe shumë më tepër.

Nga ora 18:00 festa vazhdon në sallën e madhe: kërcime, muzikë dhe shfaqje nga Shqipëria e Kosova, Meksika, Ukraina, Kurdistani dhe kultura të tjera  plot surpriza, ngjyra dhe gëzim.

Pjesëmarrës: Shoqëria Kulturore-Artistike Dardania, Qendra Kulturore AleviBektashi, Grupi Berber, Dar Al Farah, Shoqata Greke, Helena Schall, Klubi Ndërkombëtar Winterthur, Grupi Afgano-Iranian, Shoqata e Grave Kurde, Maria Plaza, Grupi Meksikan i Vallëzimit Ticalli, Shoqata Zvicerano-Tibetiane e Miqësisë, Shoqata e Integrimit Rumun, KakaDu,”Së bashku për ditë”, Ukraina Support, Afropfingsten, Shoqata Kulturore Tamile dhe shumë të tjerë”, thuhet në njoftim.

Hyrja është falas,  të gjithë janë të mirëpritur!

E shtunë, 24 maj | 14:00 – 23:00, Alte Kaserne, Technikumstrasse 8, 8403 Winterthur

---