E-Diaspora
Dita e Flamurit, moment zotimi për ecje përpara me shkollën shqipe
Nxënësit e shkollave shqipe në Cyrih kanë festuar me prindërit e tyre të dielën Ditën e Flamurit dhe Pavarësisë së Shqipërisë. Festa e flamurit zgjon ndërgjegjësimin për shkollën shqipe, diplomatët shqiptarë të akredituar në Zvicër u kanë bërë thirrje prindërve që t'i dërgojnë fëmijët në shkollën shqipe.
Ishin veshur kuq e zi, ngjyra këto të flamurit kombëtar shqiptar.
Një festë e tillë ishte organizuar nga Lidhja e Arsimtarëve dhe Prindërve Shqiptarë për kantonin e Cyrihut.
Në fillim në skenë u ngjiten të gjithë fëmijët e shkollave shqipe për të intonuar himnin e flamurit kombëtar, nën dirigjimin e mësuesit Hasan Spahiu.
Pastaj filloi pjesa zyrtare me fjalime, të cilës i priu nikoqiri Naser Ulaj, kryetar i LAPSH-it për Kantonin e Cyrihut.
Ambasadori i Shqipërisë në Bernë, Ilir Gjoni, me nga një fjalë rasti ka përshëndetur të pranishmit, duke falënderuar LAPSH-in për punën dhe mundin që po jep në ruajtjen e gjuhës dhe kulturës shqiptare.
«Sot ne jemi mbledhur për festuar 28 Nëntorin, Ditën e Flamurit, kjo është një datë kur ne si shqiptarë së bashku zotohemi të ecim në rrugën e zhvillimit, tolerancës, barazisë dhe mirëqenies, si dhe respektit për njëri-tjetrin, që na e trasuan rilindësit tanë. Ne sot duhet të përmbushim një amanet të rilindësve tanë që të jemi të gjithë të bashkuar rreth flamurit», tha para të pranishmëve në Cyrih, Ilir Gjoni.
Diplomati nga Shqipëria ka bërë thirrje që prindërit shqiptarë t’i dërgojnë fëmijët e tyre në shkollën shqipe.
“Janë 40 mijë fëmijë shqiptarë të moshës shkollore dhe jetojnë në Zvicër, nga të cilët një numër shumë i vogël ndjekin mësimin plotësues në gjuhën shqipe. Andaj u bëj apel që t’i dërgoni fëmijët tuaj në shkollën shqipe. Nuk do të jenë në gjendje fëmijët tuaj të kuptojnë se çfarë rëndësie ka 28 Nëntori, nuk dinë kush ishte Ismail Qemaili, cilët janë rilindësit tanë dhe pse ne mblidhemi për çdo vit rreth flamurit» tha Gjoni.
Të pranishmit i ka përshëndetur edhe konsullja kosovare në Cyrih, Lurata Berisha, e cila tha se me këto aktivitete nxënësit i shtojnë madhështinë festave të nëntorit.
Edhe ajo iu ka bashkangjitur thirrjes për sensibilizimin e prindërve për t’i dërguar fëmijët në shkollën shqipe.
Kryetari i LAPSH-it për Zvicër, Nexhat Maloku nga ana tjetër ka njoftuar të pranishmit për kohën e regjistrimit të fëmijëve në shkollat shqipe.
Pastaj ka vazhduar programi artistik, i përgatitur kryesisht nga nxënësit me recitale, vjersha dhe këngë, duke e plotësuar edhe SHKA “Rilindja”, e cila u paraqit me disa valle të bukura shqipe.
Edhe kori i grave “Lyra” nga Cyrihuka argëtuar të pranishmit me disa këngë në frymën e melosit popullor dhe këngë të vjetra qytetare.
LAPSH-i në Cyrih kishte menduar edhe për mirënjohje në mesin e tyre edhe për Hasan Spahiun, i cili është pensionuar pas më shumë se 18 vjetësh që kishte punuar në shkollën shqipe në Zvicër.
Të tjera nga E-Diaspora
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën