Dita e Pavarësisë së Kosovës u festua me muzikë klasike në Emmedingen

Shqiptarët e Emmendingenit me „Yjet e Kosovës“ janë shembulli më i mirë dhe pasuri e qytetit ku ata veprojnë e jetojnë

Në Emmendingen, Landi Baden Würtemberg, Gjermani shoqata “Yjet e Kosovës“e.V. organizoi premierën e koncertit klasik të KamerAL Ensemble në kuadër të një feste madhështore për nder të përvjetorit të 18 të pavarësisë së Kosovës.

Shqiptarët e Emmendingenit me „Yjet e Kosovës“ janë shembulli më i mirë dhe pasuri e qytetit ku ata veprojnë e jetojnë, si në të kaluarën ashtu edhe tani. Ata, 8 shkurtin e qytetit të tyre e pasuruan me veprimtari kulturore të begatë.

Shoqata e përmendur, e përkrahur nga sponzorët e këtij eventi të veçantë bënë të mundur ardhjen dhe prezantimin e personaliteteve kulturore me renome si artistët: Kushtrim Gashi, Artida Bakija, Fidan Osmani e të tjerë si dhe befasi të shumta me grupin e valleve të shoqatës.

Premiera e koncertit klasik të KamerAL Ensemble ishte një vazhdimësi e një tradite të organizimit të ngjarjeve  artistike me rëndësi të veçantë për jetën kulturore të këtij qyteti.

Koncerti u karakterizua nga një atmosferë elegante dhe emocionuese, ku muzika arriti të komunikojë me publikun në mënyrë të thellë dhe të ndjeshme. Orkestra tregoi një nivel të lartë profesionalizmi, me një ekuilibër dhe harmoni të admirueshme të instrumentistëve.

Dirigjenti dhe instrumentisti, njëherësh kompozitori Kushtrim Gashi tashmë figurë e njohur e muzikës udhëhoqi me siguri dhe finesë, duke krijuar një harmoni të plotë dhe një rrjedhshmëri të natyrshme në dinamikat muzikore, të pikave muzikore me të cilat bëri një shtegtim madhështor nëpër kulturën dhe historinë shqiptare.

Veçanërisht mbresëlënës ishte interpretimi i solistes Delina Hajra Gashi soprano, e cila solli një kombinim të teknikës së pastër dhe shprehjes emocionale. Pasazhet më të vështira u realizuan me saktësi, ndërsa momentet lirike u shoqëruan me një ndjeshmëri të rrallë.

Kaptinë e veçantë e këtijë eventi msdhështor ishte instrumentistja Maestro Artida Bakija e cila në mënyrë mjeshtrore luajti me instrumentin e vjetër me frymë, okarinën. Ajo pubikut të shumët heterogjen gjermano-shqiptar në të dy gjuhët ia prezantoi përmbajtëjen e pjesëve që luajti. Gjithshtu instrumentistja foli u shpreh me fjlë të përzgjedhura edhe për historikun e këtij instrumenti të lashtë, me të cilin në mënyrë brilante luajti pjesën “Baresha”.

Publiku reagoi disa herë me entuziazëm, duke e shpërblyer koncertin me duartrokitje të gjata e frenetike e në fund edhe me ngritje në këmbë.

Kjo premierë dëshmoi jo vetëm përkushtimin e artistëve, por edhe rëndësinë e ruajtjes dhe promovimit të muzikës klasike në skenën bashkëkohore dhe ndërlidhjen e komunikimin ndërkulturor si mjetin më të mirë.

Në përfundim, kjo premierë ishte një sukses i plotë artistik dhe një përvojë e paharrueshme për të pranishmit e shumtë. Moderimin e manifestimit në mënyrën më të mirë e kreu veterani Clemens Hauser.

Këtë aktivitet, me pjesëmarrëjenë e tyre e nderuan figura të larta publike bashkë me sponzorët e eventit: Joachim Saar përfaqësues i Kryetarit të komunës i cili me një fjalë rasti ju drejtua të pranishmëve, siç bëri edhe konsulli i Konsullatës së Republikës së Kosoves Stuttgart, z. Hamdi Bërbatovci.

Prezent nga politika ishe edhe Johannes Fechner, parlamentar i bundestagut, Stefani Wernet kandidate për Landin e Baden Würtenbergut, Peter Welz përgjegjës per integration i landit te BW, krijuesi e shkrimtari Hannes Lokenviz dhe asamblistë të komunës së Emmendingenit e shumë e shumë miq e të interesuar të tjerë.

I pranishëm ishte edhe veterani i çështjes kombëtare Agim Krasniqi i cili kishte ardhur me Ardian Krasniqin, kampionin në ardhje. Ata, me prezencën e tyre nderun këtë veprimtari të jashtëzakonshëme kulturore.

Taulanta Shabani dhe grupi i valltarëve të rinj, vallet e përzgjedhura ia kushtuan rrugëtimit të shqiptarëve për liri e pavarësi. Shoqata për të pranishmit kishte organizuar një byfe dhe koktej falas e disa nga të pranishmit ndihmuan me shuma simbolike.

Autor i tekstit: Mustafë Shabani

 

 

---