Dogana kalon 1 miliard euro të mbledhura

Dogana e Kosovës ka njoftuar se ka vazhduar me performacën të lartë në mbledhjen e të hyrave, derisa bëri të ditur se ka mbledhur mbi 1 miliard e 6 milionë euro.

“Krahasimi në mes të viteve 2016 dhe 2017 në periudha të njëjta kohore tregon që kemi një rritje prej 6.4 % më shumë, apo shprehur në milion kjo është mbi 60 milion euro më shumë. Pra, gjatë viti 2016 dogana në të njëjtën periudhe kishte mbledhur 946 milionë euro, derisa në këtë periudhë janë mbledhur 1,06 miliard euro”, thuhet në njoftim, përcjell albinfo.ch.

Dogana krenohet më të arriturat e saj. “Kjo rritje tregon edhe një herë përkushtim e Doganës në realizimin dhe mbushjen e buxhetit, gjithashtu kjo rritje tregon se Dogana është një administratë moderne, efikase dhe profesionale, gjithashtu e aftë për t’u përballuar me të gjitha sfidat ashtu që të Kosova të ketë fonde të mjaftueshme të cilat rikthehen tek qytetarët e Kosovës përmes investimeve”, përfundon njoftimi.