Donald Trump, për herë të dytë “Personi i vitit”, i zgjedhur nga revista “TIME”

Keystone (AP Photo/Julia Demaree Nikhinson)

“Personi i vitit”, për herë të dytë nga revista “TIME”, është zgjedhur Donald Trump, presidenti i zgjedhur i Shteteve të Bashkuara të Amerikës.

Për herë të parë, Trump ka marrë këtë titull në vitin 2016, kur pati fituar zgjedhjet presidenciale.

Me këtë rast, Donald Trump i bashkohet presidentëve që kanë fituar nga dy mandate si Bill Clinton, George W. Bush dhe Barack Obama, të cilët gjithashtu janë zgjedhur nga dy herë si personazhet e vitit, transmeton albinfo.ch.

Franklin D. Roosevelt, presidenti i 32-të i SHBA-së, është i vetmi person që ka marrë këtë titull tre herë.

Ky titull jepet nga revista “TIME” që nga viti 1927.