Donat Rrudhani, lojtari më i mirë i ndeshjes FC Aarau – FC Wil

Golshënues i vetëm i ndeshjes ishte Patrick Rossini. Ai ka drejtuar në rrjetin e kundërshtarit topin e përgatitur shumë mirë nga Donat Rrudhani

Në ndeshjen e Challenge league (liga e dytë e Zvicrës) në mes të FC Aarau dhe FC Wil, fituan vendësit, me rezultatin 1 me 0.

Kjo fitore në lojën kundër ekipit që mban vendin e dytë në ligë, për FC Aarau erdhi pas tri humbjeve të pësuara javëve të fundit, shkeruajnë mediet zvicerane. Veç kësaj, për FC Aarau kjo ka qenë ndeshja e parë e këtij sezoni, në të cilën skuadra e këtij qyteti ka shpëtuar pa pësuar një gol nga kundërshtari.

Golshënues i vetëm i ndeshjes ishte Patrick Rossini. Ai ka drejtuar në rrjetin e kundërshtarit topin e përgatitur shumë mirë nga Donat Rrudhani, transmeton albinfo.ch. Kjo, bashkë me performancën e përgjithshme të treguar gjatë ndeshjes ka qenë arsyeja që Rrudhani të zgjidhej lojtari më i mirë i ndeshjes.

Të kujtojmë: Donat Rrudhani është i lindur në vitin 1999 ndërsa në FC Aarau ka ardhur para më pak se një muaji nga klubi “Black Stars” i Bazelit. L

oja kundër FC Wil ka qenë e para në të cilën qendërsulmuesi i ri është angazhuar nga fillimi. Ai është zëvendësuar në minutën 76.

---