Lajme
Dr. Elza Memeti bëhet shefe e kirurgjisë në spitalin e Menziken-it
Mjekja Elza Memeti ka marrë drejtimin e departamentit të mjekësisë operative në spitalin Asana Menziken, Kantoni Aargau
Që nga fillimi i shkurtit të vitit 2023, Elza Memeti është përgjegjëse për departamentin e mjekësisë operative në spitalin rajonal në Menziken si mjeke kryesore, transmeton albinfo.ch. Ajo ka pasuar Majkëll Kremerin, i cili po merr detyrën e Kryemjekut për Kirurgji në Spitalin në Lachen.
Memeti, e lindur në vitin 1979, është specialiste e kirurgjisë me fokus në kirurgjinë e përgjithshme dhe kirurgjinë traumatike, shkruan medinside.ch. Së fundmi, ajo ishte mjeke e lartë në spitalin e Zofingen-it, ku, krahas punës së përgjithshme kirurgjikale, ishte përgjegjëse për proktologjinë.
Në karrierën e saj profesionale, ajo ka punuar si ndihmës mjeke në Spitalin Kantonal në Aarau (KSA) dhe si mjeke e lartë në Zug dhe për katër vjet në kirurgji në Spitalin Kantonal në Lucern (Luks), përcjell albinfo.ch.
Shefja e re e kirurgjisë dhe shefja e departamentit të mjekësisë kirurgjikale ka përfunduar studimet për mjekësi në Universitetin e Cyrihut (UZH).
Elza Memeti është gjithashtu kryetare e Bordit të Drejtorëve të Ordinancës së Kirurgjisë në Rothrist në kantonin Aargau, transmeton albinfo.ch. Kompania publike është themeluar rreth katër muaj më parë dhe, sipas regjistrit komercial, ndodhet në të njëjtën adresë me klinikën private Villa im Park, e cila i përket Rrjetit Mjekësor Zviceran (SMN).
Të ngjashme
Të tjera nga Lajme
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor