Drejton veturën e shkatërruar

Një pjesëmarrës i trishtuar i komunikacionit në Kantonin e Zugut, të mërkurën ka alarmuar policinë dhe i ka thënë se ate e kishte kryqëzuar një veturë totalisht e shkatërruar.

Policia menjëherë ka filluar aksionin për të zbuluar veturën në fjalë dhe nuk ka qenë e vështirë ta gjejë të njëjtën, pasi ajo i kishte përcjellë gjurmët nga vaji i derdhur i veturës.

Policia e gjen veturën e demoluar dhe vozitësin, një kosovar 22-vjeçar, i cili asaj i rrëfen se në realiconin në mes të Rotkreuz (ZG) dhe Honau (LU) nga drejtimi i kundërt kishte ardhur një veturë tjetër, e cila papritmas kishte dalë në anën e tij. Për ta mënjanuar aksidentin, ai ishte rrokullisur në rrugë dhe e kishte dëmtuar veturën.

Për fat të mirë, ai nuk ishte lënduar dhe thjeshtë, kishte vazhduar udhëtimin, sikur të mos kishte ndodhur asgjë.