Lajme
“Du me votu”: “Ne vetëm duam të thjeshtësojmë procedurat e votimit për diasporën”
“Mobilizimi ynë ka lindur pas konstatimit të pengesave për votën e diasporës”, ka thënë Leonardi, një nga studentët shqiptarë

Shqiptarët nga Kosova që jetojnë jashtë vendit duan ta shfrytëzojnë të drejtën e tyre të votimit në zgjedhjet parlamentare në Kosovë, mirëpo shumë prej tyre e shohin si problematike për ta realizuar të drejtën e votës, meqë procedura është e ndërlikuar.
Disa studentë në Zvicër me prejardhje nga Kosova janë bashkuar dhe kanë formuar një organizatë jo-fitimprurëse dhe pa anime politike, duke e quajtur “Du me votu!”.
“Mobilizimi ynë ka lindur pas konstatimit të pengesave për votën e diasporës”, ka thënë për albinfo.ch Leonardi, një nga studentët shqiptarë.
Kjo organizatë është e krijuar nga tetë studentët shqiptarë: Gjentila Bajra, Marigona Iseni, Edon Duraku, Admir Molla, Arianit Ramiqi, Eleonit Smajli, Valon Kurteshi dhe Leonard Ferati.
Qëllimi i saj është thjeshtësimi i votimit të diasporës, shkruan albinfo.ch. Këta të fundit e dërgojnë formularin e duhur tek votuesit, i këshillojnë ata se si duhet të bëhet plotësimi i tij dhe cilat dokumente duhen.
Ndërsa, këta studentë kanë shfrytëzuar bursat e tyre për të ardhur me një organizatë të tillë.
“E kemi këtë platformë me para nga bursat tona personale të studimeve”, ka potencuar Ferati për Albinfo.ch.
Por, ata kanë nevojë për ndihmë në këtë aspekt dhe u bëjnë thirrje të gjithë atyre që kanë mundësi që t’i mbështesin. Kjo thirrje ka shërbyer si pretekst që disa media në Kosovë ta akuzojnë për “qëllime përfitimi” nismën “Du me votu”.
Ndërkaq, e vërteta që e mbrojnë në këtë organizatë është krejtësisht ndryshe. “Ata që dëshirojnë me na mbështet munden përmes platformës, ku e kemi rubrikën për donacione”, thotë Leonardi.
Tutje, organizata u sulmua për keqpërdorim të të dhënave të aplikuesve, mirëpo, sipas Leonardit kjo nuk qendron aspak.
“Ne i ruajmë të gjitha të dhënat e aplikuesve dhe këtë e kemi cekur edhe në platformën tonë, mbi privatësinë e të dhënave”.
https://du-me-votu.com/privacy/?fbclid=IwAR1Akmds47o37aCmUT0G51yLtceT-dgtTNkC7uhBdtR2c1UruuMD_RD3YyE
“Du me votu” ka bërë shpenzime që kanë kaluar shifrën prej 20 mijë CHF, ndërsa, vetëm 2000 CHF janë mbledhur deri tani, thotë ai më tutje.
Sipas të dhënave, në platformën e tyre janë regjistruar 25 mijë votues nga diaspora./Albinfo.ch
E-Diaspora
-
Madrid: Baritoni shqiptar Gëzim Myshketa debuton në “Teatro Real” Baritoni Gëzim Myshketa debuton në Madrid përkrah emrave të mëdhenj të operës botërore...
-
Spitex BajRon AG, ju flet shqip
-
Byreku shqiptar në festivalin 2025 në Illinois
-
Prizreni mirëpret diasporën me parkim falas në oborret e shkollave
-
Arratiset gjatë transportit të të burgosurve – Policia kërkon 23-vjeçarin shqiptar
Jeta në Zvicër
-
Grabiten implante dentare me vlerë rreth 1 milion CHF në Oensingen Një grabitje profesionale ka ndodhur të martën në mbrëmje në një kompani të specializuar në prodhimin...
-
UBS fillon migrimin e klientëve zviceranë të Credit Suisse
-
Tre sulme seksuale në vetëm dy orë në Biel
-
Gotthard: Radhë prej 10 kilometrash në nisje të pushimeve verore
-
Taksimi i shoferëve të huaj: A është zgjidhja për bllokimet e trafikut gjatë verës?