Dua Lipa nderohet me pullë postare nga Posta e Kosovës

Figura e saj do të udhëtojë nëpër botë edhe përmes pullës postare

Ajo ka krijuar shumë hite dhe e ka ngritur emrin e saj në mesin e artistëve më të mëdhenj botërorë. Tani figura e saj do të udhëtojë nëpër botë edhe përmes pullës postare.

Posta e Kosovës do ta lansojë nesër një pullë të re postare për ta nderuar këngëtaren shqiptare me famë botërore, Dua Lipa, raporton Albinfo.ch.

Këngëtarja e hitit “Levitating” do të marrë pjesë nesër në promovimin e pullës postare Dua Lipa.

Një gjë e tillë është bërë e ditur nga shefi i Administratës dhe Protokollit dhe kryesuesi i komisionit për aprovimin e pullave postare, Kamber Demaku./Albinfo.ch/

---