Dua Lipa realizon album nga karantina

Arsyeja e realizimit të këtij albumi, sipas saj, është që t`i bëjë fansat të ndjehen mirë në këtë periudhë.

Keystone (Photo by Vianney Le Caer/Invision/AP)

Këngëtarja shqiptare me famë botërore, Dua Lipa, ka publikuar albumin e saj të dytë me titull “Future Nostalgia”.

Në një intervistë për BBC-në, ajo ka bërë të ditur se këtë album e ka realizuar teksa ka qëndruar në karantinë me të dashurin e saj.

“Unë me të vërtetë po e shijoj këtë kohë që po qëndroj e mbyllur. Unë jam duke bërë gjëra që nuk kam pasur mundësinë për t’i bërë. Ndonjëherë, thjesht, po e shijoj duke fjetur dhe duke lexuar një libër”.

“E kam realizuar këtë album për t’u larguar nga çdo presion, ankth dhe mendim”, thotë ajo.

“Future Nostalgia” është albumi i dytë i këngëtares, i cili vjen pas atij “Dua Lipa” të lansuar në vitin 2017.

Albumi përmban gjithsej 11 këngë, tre prej të cilave i ka publikuar me klip: “Don’t start now”, “Physical” dhe “Break my heart”.