Dy alpinistë të vdekur në Aiguilles du Tour

Aiguilles du Tour

Të hënën, dy ekipe të alpinistëve teksa po ngjiteshin me litar u goditën nga një masë e madhe shkëmbore. Dy alpinistë humbën jetën dhe një tjetër u lëndua.

Aiguilles du Tour, pak para samitit jugor, një masë e madhe shkëmbi u shkëput për arsye ende të paqarta dhe goditi një ekip prej dy personash.

Për pasojë ka mbetur i plagosur një alpinist. Alpinisti i dytë u godit për vdekje. Pak metra poshtë vendit të aksidentit, shkëmbi goditi një ekip të dytë me litar, duke bërë që një tjetër alpinist të humbasë jetën, shkruan Blick.

Viktimat janë një shtetas holandez 36-vjeçar dhe një shtetas francez 26-vjeçar. Alpinisti i plagosur është një shtetas holandez 22-vjeçar. Prokuroria publike në bashkëpunim me policinë kantonale ka nisur hetimet, përcjell albinfo.ch.