Dy persona humbin jetën nga akisdenti në aksin Kamëz-Fushë Krujë

Foto ilustrim

Dy persona kanë humbur jetën mbrëmjen e sotme, si pasojë e aksidentit që ndodhi në aksin rrugor Kamëz-Fushë Krujë, në vendin e quajtur rrethrrotullimi i Tapizës.

Një veturë e tipit Audi, që drejtohej nga 34-vjeçari E.H., ka humbur kontrollin dhe ka dalë nga rruga, duke u përmbysur disa here, raporton TCH, përcjell albinfo.ch.

Për pasojë, ka humbur jetën drejtuesi i mjetit dhe shtetasja 28-vjeçare Rr.Gj., ndërsa kanë mbetur të lënduar edhe dy shtetase të tjera, që ndodheshin në veturë.

Këto të fundit janë transportuar në spitalin e Traumës në kryeqytet, ku ndodhen jashtë rrezikut për jetën.

Në vendngjarje kanë mbërritur menjëherë shërbimet policore dhe grupi hetimor, që po hetojnë për shkaqet e aksidentit me pasoja fatale.