Shqipëria

Dy viktima dhe 535 raste të reja me COVID-19 në Shqipëri

E premte, 20 Gusht 2021 - 20:05 albinfo.ch
KEYSTONE/EPA/Malton Dibra

Dy qytetarë kanë humbur jetën dhe 535 të tjerë janë konfirmuar të prekur me COVID-19 në 24 orët e fundit në Shqipëri.

Ministria e Shëndetësisë bën me dije se rastet e reja janë konfirmuar pas kryerjes së 6,173 testeve të dyshuara.

Me kalimin e ditëve janë shtuar rastet e qytetarëve, të cilët kërkojnë ndihmë shëndetësore për shkak të simptomave.

Aktualisht në Spitalin Infektiv në QSUT po trajtohen 60 pacientë, ndërsa rastet aktive kanë shënuar rritje të shpejtë, sidomos në dyjavëshin e parë të gushtit.

Rastet e të shëruarve në Shqipëri vijojnë të jenë të ulëta, nëse e krahasojmë me rastet pozitive ditore.

Sipas MSH-së, 122 qytetarë janë shëruar në orët e fundit, kurse totali i tyre ka shkuar në 131,042.

 

 Të ngjashme

“Me tank, kundër patriarkatit”, gruaja që prodhoi autoblindën e parë shqiptare

 Të tjera nga Shqipëria

15 vjet nga liberalizimi i vizave: momenti që ndryshoi lëvizjen e shqiptarëve drejt Evropës

 E-Diaspora

 Jeta në Zvicër