Dyfishohet numri i azilkërkuesve në Gjermani

Numri i kërkesave për azil është dyfishuar këtë vit në Gjermani.

Në gjysmën e parë të këtij viti rreth 179.000 njerëz kanë kërkuar azil në Gjermani. Bëhet fjalë për një rritje prej 132 për qind, nëse krakasohet me të njëjtën periudhë të vitit të kaluar, raporton Ministria e Brendshme. Azilkërkuesit janë kryesisht nga Siria, Kosova, Shqipëria dhe Serbia.

Javën e kaluar qeveria gjermane miratoi një ligj për shtrëngim të qëndrimit të të huajve. Të huajt më mirë të integruar mund të qëndrojnë më gjatë në Gjermani. Azilkërkuesit e refuzuar do të deportohen shumë shpejt.