Edhe një pjesëtar i FSK-së kryen shkollimi me sukses në SHBA

Radhëve të Forcës së Sigurisë së Kosovës çdo herë e më shumë po ju shtohen kuadro të cilët po kanë suksese në shkollimet jashtë vendit.
I fundi nga ta është Nënkoloneli Ejup Maqedonci i cili ka diplomuar në Kolegjin e Luftës në SHBA, njofton Ministria e Mbrojtjes e Kosovës.

Aty thuhet se në ceremoninë diplomimit ka marrë pjesë edhe Komandanti i FSK-së, gjen. Rrahman Rama i cili ka thënë se është i kënaqur me rezultatet e ushtarëve të FSK-së, transmeton albinfo.ch.

Komandanti i FSK-së ka takuar edhe Komandantin e Kolegjit gjeneral major John S. Kem.

“Ishte kënaqësi të dëgjoj nga Komandanti i këtij kolegji lidhur me profesionalizmin dhe dedikimin e treguar nga studentët e FSK-së. Nënkolonel Maqedonci diplomoi  dhe magjistroi  me rezultate superiore, të vlerësuara nga Kolegji i Luftës. Unë si Koamnadnt i FSK-së jam krenar me vajzat dhe djemtë e FSK-së që po zhvillohen dhe edukohen në institucionet më prestigjioze të Ushtrisë Amerikane.  FSK-ja është e orientuar në ndërtimin e aftësive bazuar në doktrinën Amerikane, me qellim të ndërveprueshmërisë në të ardhmen”, ka thënë Rama.

LAJME INTERESANTE NGA INTERNETI