Kosova
Edhe një vit pa viza, Kosova humbi afatin
Pavarësisht se Komisioni LIBE ka mbështetur rinisjen e negociatave teknike me Këshillin e BE-së për heqjen e vizave për Kosovën, sipas ekspertëve të integrimit, Kosova ka humbur shansin për ta finalizuar procesin e liberalizimit përgjatë këtij viti.
Komisioni i Parlamentit Evropian për Drejtësi, për Punë të Brendshme dhe për Liritë Qytetare (LIBE) ka mbështetur rinisjen e negociatave teknike me Këshillin e Bashkimit Evropian për liberalizimin e vizave për Kosovën.
Por, ekspertët e integrimeve thonë se ka pak gjasë të ndryshojnë gjërat për Kosovën. Sipas tyre, ky rekomandim është vetëm përsëritje e veprimit të 30 gushit të vitit 2018, për shkak të legjislaturës së re të PE-së, shkruan Zëri
Deri në fund të vitit 2019 Këshilli i Ministrave të BE-së do të mbajë dhe dy takime dhe në agjendën e asnjërit takim nuk përfshihet çështja e liberalizimit të vizave për Kosovën.
Ekspertët shpjegojnë që tashmë janë të dakorduara pikat e këtyre dy takimeve dhe se çështja e Kosovës nuk është në agjendë. Sipas tyre, nuk ka gjasë që liberalizimi i premtuar nga Qeveria për vitin 2019 të ndodhë. Siç thonë ata me shumë gjasë ky proces do të shtyhet për vitin 2020, atëherë kur Presidenca e BE-së do t’i kalojë Kroacisë e Gjermanisë.
Në anën tjetër Ministria për Integrime Evropiane me gjithë insistimin e gazetës nuk ka pranuar të flasë për këtë çështje. Ndërkohë nga Komisioni për Integrime Evropiane i legjislaturës së kaluar thonë se Kosova ka përmbushur të gjitha kriteret dhe se nuk është më në dorën tonën, përcjell albinfo.ch.
Të ngjashme
Të tjera nga Kosova
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor